आकाशात उगवला भीम तारा.. (काव्य फुले )

संकलन :- प्रदिप कडबे 

आकाशात उगवला बघा भीम तारा 

वाहतो जगी मंद मंद वारा 

उजळून निघाली मंद प्रकाशात धरा 

वंचिताचे जीवनी आनंद मिळाला खरा=१=

पहाट झाली सूर्य उगवला 

अवनी वरी महामानव भीम जन्मला 

सनई चौघडा तुतारीचा निनाद झाला 

रंजल्या गांजल्या जनांच्या जीवनी प्रकाश मिळाला=२=

गावोगावी घरोघरी अंगणी 

करून सडा सारवण 

दरवाज्याना लावून तोरण 

स्वागत केले भीम जन्माचे निळे झेंडे लावून=३=

रविकर आला नभात गुलाल उधळीत 

निशा संपून पहाट झाली 

दीनदुबळ्या पद दलितांच्या जीवनात 

नव्या युगाची झाली सुरुवात=४=

    कवी - नागनाथ डोलारे, पनवेल