नागपूरात बारावी गणित पेपरफूट प्रकरणात चौकशीला वेग, पाचव्या आरोपीचां शोध सुरू.
शुक्रवार, 27 फ़रवरी 2026
Comment
"साप्ताहिक जनता की आवाज"
वृत्तपत्र प्रतिनिधी
नागपूर :- बारावीच्या पेपरफूट प्रकरणात अटक केलेल्या
आरोपींच्या चौकशीत आणखी एक धक्कादायक खुलासा झाला आहे. आरोपींनी गणिताचा पेपर देखील लीक केला होता, ज्याची प्रश्नपत्रिका आरोपींच्या फोनमधील डिलीट झालेल्या व्हॉट्सअॅप चॅट्समधून मिळाली आहे. या प्रश्नपत्रिकेला पाठवणाऱ्याच्या पाचव्या आरोपीचा शोध सुरू आहे.
सिव्हिल लाइन्समधील सेंट उर्सुला हायस्कूलमध्ये १८ फेब्रुवारी रोजी रसायनशास्त्राचा पेपर झाला होता. त्या दिवशीच एका विद्यार्थिनीच्या मोबाईलवर पेपर आणि त्याच्या उत्तरांसह व्हॉट्सअॅप ग्रुपवर चर्चा सुरू झाली होती. विद्यार्थिनीच्या फोनमध्ये १६ फेब्रुवारीच्या भौतिकशास्त्राच्या पेपरची देखील माहिती सापडली.
तपासादरम्यान पोलिसांनी एक्सआयआय व्हॉट्सअॅप ग्रुपचा अॅडमिन निशिकांत मूल, फरहान अख्तर, मुस्तफा खान आणि जुनेद अहमद यांना अटक केली आहे. डिलीट चॅट्सचा सायबर तपास करुन गणिताचा पेपर २१ फेब्रुवारीला लीक झाल्याचे उघड झाले आहे.
सलग तीन विषयांच्या पेपरफुटीमुळे नागपूर विभागीय बोर्डाच्या बारावी परीक्षेला गंभीर धक्का बसला आहे. पेपरफुटीची सुरक्षा व्यवस्था आणि तांत्रिक तपास पुढे आणले जात आहे. प्रशासनासाठी आता विद्यार्थ्यांचा विश्वास पुन्हा मिळविणे एक मोठे आव्हान ठरले आहे.
0 Response to "नागपूरात बारावी गणित पेपरफूट प्रकरणात चौकशीला वेग, पाचव्या आरोपीचां शोध सुरू."
एक टिप्पणी भेजें