उन्माद सत्तेचा…..

सोनम वांगचुकांचे जनआंदोलन,

सत्तेच्या दडपशाहीने चिरडले;

कसे म्हणावे देशात आहे लोकशाही,

जिथे संविधानिक मूल्यांनाच पायदळी तुडविले..!!

नाही कसलीच जिवाची पर्वा त्यांना,

जे लढतात निरंतर सत्याच्या वाटेवर;

सत्यालाच येथे बळाने कैद केले,

भ्रष्ट व्यवस्थेच्या लोखंडी श्रुंखलात अखेर..!!

हा आवाज आहे गुंजणाऱ्या हिमालयाचा,

जो अन्यायापुढे कधी झुकणार नाही;

हा उन्माद आहे सत्तेच्या अहंकाराचा,

जनतेचा न्याय अखेर हरणार नाही..!!

लोकशाहीच्या पायावर उभी आहे ही भूमी,

हुकूमशाहीला येथे कदापी स्थान नाही;

तानाशाही सत्ताधाऱ्यांनो, लक्षात ठेवा—

सत्याचा दीप कधीही विझणार नाही..!!

.        कवी - समाजमित्र नाशिकभाऊ चवरे

             पिपरी (पुनर्वसन), जि. भंडारा.