आरक्षणावर सत्य परिस्थितीवर कवीने लिहिलेली कविता संकलन :- प्रदीप कडबे, संग्रह :- हर्षवर्धन देशभर..

!आरक्षण जातीत वाटू नका रे!

=====================

चाल :-कस्ट केलेत माझ्या भीमाने!

**************************

जे आरक्षण दिले बा भीमाने!

जाती जातीत,वाटू नका रे!

दिले पंख तुम्हाला उडाया!

पंख हाताने, छाटू नका रे //धृ //

बाबासाहेबाने, दावीला मार्ग!

शिक्षणानेच,मिळेल स्वर्ग!

संविधानाचे रक्षण करावे,

भाऊ भावाला काटू नका रे //1//

करा अभ्यास,आधी कायद्याचा!

 करा नंतर विचार फायद्याचा!

मनुवाद्यांच्या,नादाला लागून,

पुन्हा खरकटे,चाटू नका रे //2//

भाऊ भाऊ म्हणुनीया राहू!

एक तीळ तो वाटून खाऊ!

पंच पकवान  वाढीले तुम्हा!

ताट दूर ते लोटू नका रे /3//

शिका संघटित व्हारे आधी!

 होईल संघर्षाने बरबादी!

कैलासदादा म्हणे झोपडीत!.

चूल वेगळी थाटू नका रे //4//

        ""गीतकार""

   विद्रोही प्रबोधनकार 

   कैलासदादा राऊत

    (एम ए बी एड )

  Mo :9527272898

 रा नागसेननगर ता हदगांव

            जी नांदेड