महसूलमंत्री चंद्रशेखर बावनकुळे साधणार जनतेसोबत जनसंवाद

शनिवारी भंडारा दौरा, 

नरेन्द्र मेश्राम "साप्ता.जनता की आवाज" 

 भंडारा :- राज्याचे महसूलमंत्री चंद्रशेखर बावनकुळे हे शनिवार दि. 26/07/2025 रोजी भंडारा जिल्हा दौ-यावर येणार असून त्यांचा दौरा कार्यक्रम पुढीलप्रमाणे आहे.

👉 या दौ-यात् महसूलमंत्री नागरिकांसोबत त्यांच्या विविध प्रश्न ,समस्यावर जनसंवाद करतील.दौऱ्यातील कार्यक्रमानुसार महसूलमंत्री चंद्रशेखर बावनकुळे यांच्या उपस्थितीत महसूल विभागाच्या कामकाजाचा आढावा घेण्यात येईल, त्यामध्ये जिल्हाधिकारी कार्यालयात दुपारी 12 वाजता उपविभागीय अधिकारी व अपर जिल्हाधिकारी यांच्या कामाचा आढावा, दुपारी 1.30 वाजता जिल्हयातील मुद्रांक शुल्क व नोंदणी विभागाचा आढावा होईल, त्यानंतर भुमी अभिलेख विभागाचा आढावा होईल, दुपारी 3 वाजता स्थानिक आमदार महोदयांसोबत बैठक त्यानंतर दुपारी 4 वाजता नियोजन सभागृहात पत्रकार परिषद व त्यानंतर 5 वाजता त्याचस्थळी जनसंवाद कार्यक्रम आयोजित करण्यात आला आहे,असे निवासी उपजिल्हाधिकारी श्रीमती लीना फलके यांनी कळवले आहे.