पालांदूर ग्रामीण रुग्णालयाला क्ष किरण मशीन करिता होल्टेज स्टॅबिलायझर पुरवा.

सरपंच गणेश हत्तीमारे यांचे जिल्हा शल्य चिकित्सक यांना मागणी.

नरेंद्र मेश्राम 

"साप्ताहिक जनता की आवाज"

पालांदूर :- पालांदूर येथील ग्रामीण रुग्णालयात दिवसेंदिवस रुग्णांची संख्या वाढत आहे. यात क्ष किरण अर्थात एक्स-रे मशीन कार्यरत आहे. मात्र खंडित वीजपुरवठ्यामुळे रुग्णसेवा विस्कळीत ठरते. करिता रुग्णालयातील क्ष किरण विभागात एक्स-रे मशीन सुरळीतपणे सुरू राहण्याकरिता ताण नियमक (होल्टेज स्टॅबिलायझर मशीन) गरजेची आहे. 

वाढत्या लोकसंख्येच्या आधारावर शासनाच्या वतीने पुरविण्यात येणारी आरोग्य सेवा वाढविणे गरजेचे आहे. सर्वसामान्य ग्रामीण विभागातील गोरगरीब जनता एक्स-रे घेण्याकरिता तालुका किंवा जिल्ह्याला जाऊ शकत नाही. याची दखल गोंदी ढिवरखेड्याचे सरपंच गणेश हत्तीमारे यांनी स्वतः मनावर घेत जिल्हा शल्य चिकित्सक यांच्याकडून एक्स-रे मशीन मंजूर करून सुरू सुद्धा केलेली आहे विशेष!. 

खंडित पुरवठ्याने समस्या...

पालांदूर व परिसरात खंडित विजेची समस्या तयार आहे. वीज खंडित झाली तर रुग्णांना वेळेत एक्स-रे सेवा मिळत नाही. त्यामुळे स्वतंत्र व्यवस्था गरजेची आहे. जिल्हा शल्ल्य चिकित्सक भंडारा यांना निवेदन देत मागणी केलेली आहे.