रायगड जिल्ह्यातील दलित पँथरचे जिल्हाध्यक्ष मनोज गायकवाड यांची कोकण प्रदेश अध्यक्षपदी निवड.

विश्वनाथ घोडके 

"साप्ताहिक जनता की आवाज"

पुणे :- दलित पँथर राष्ट्रीय अध्यक्ष बाळासाहेब पडवळ आणि महाराष्ट्र प्रदेशध्यक्ष घनशाम भोसले यांच्या मार्गदर्शनाखाली रायगड जिल्ह्यातील दलित पँथरचे जिल्हाध्यक्ष मनोज गायकवाड यांची कोकण प्रदेश अध्यक्षपदी निवड झाल्याबद्दल सर्व स्तरातून त्यांच्यावर अभिनंदनाचा वर्षाव होत आहे. त्यांच्या सामाजिक कार्याची दखल घेत ही महत्त्वाची जबाबदारी त्यांच्यावर सोपविण्यात आली आहे.

मनोज गायकवाड यांनी आतापर्यंत विविध सामाजिक प्रश्नांवर ठाम भूमिका घेत समाजाच्या हितासाठी सातत्याने काम केले आहे. त्यांच्या नेतृत्वगुणांमुळे आणि कार्यक्षमतेमुळे त्यांना ही मोठी जबाबदारी देण्यात आली असल्याचे मानले जात आहे.

त्यांच्या निवडीमुळे कोकण प्रदेशात दलित पँथर संघटना अधिक मजबूत होईल, असा विश्वास कार्यकर्त्यांनी व्यक्त केला आहे. तसेच, पुढील काळात समाजहिताचे अनेक उपक्रम त्यांच्या नेतृत्वाखाली राबवले जातील, अशी अपेक्षा व्यक्त केली जात आहे.

मनोज गायकवाड यांना त्यांच्या पुढील वाटचालीसाठी हार्दिक शुभेच्छा देण्यात येत आहेत.