वामनच्या जीवन गाण्यात भीम अभिमान होता..

             संकलन

लोकशाहीर प्रदीप कडबे 

वामनच्या जीवन गाण्यात भीम अभिमान होता 

बुद्ध कबीर फुले शाहू वामनचा प्राण होता ||धृ||

 

वामन तुझ्या शब्दात अग्निज्वाला बखान होता

सर्व धर्माचा संविधानाचा सन्मान होता 

 बुद्ध धम्म चळवळीचा प्रज्ञावान गुणवान होता ||१||

 गीत गजलाचा सम्राट वामन महाकवी झाला 

क्रांतिकारी भीम शाहीर अमरजीवी झाला 

भीम कोहिनूर हिरा भारतात महान होता||२||

 मराठी मायबोलीच्या त्यांनी गौरव केला 

मराठीला दिशा दृष्टी सूत्र नवा आयाम दिला 

श्रमण संस्कृती मराठी भाषेचा विद्वान होता ||३|| 

शोषित वंचिताचा करून बुलंद आवाज 

झोपडीत तांड्यात जाऊन जागविला समाज 

लोकमान्य कवी जनमानसात बहुमान होता ||४||

 नव्हती गाडी बंगला गात गावो गावी फिरला 

फकीर अवलिया भिक्षुकाचं त्यागी जीवन जगला

मधु कलावंताची तो आन-बान शान होता ||५||

              कवी/गझलकार  

         मधु बावलकर, तेलंगणा.