अवैध दारू विक्री विरोधात हजारो महिला, पुरुष, विद्यार्थी, समिती पदाधिकारी रस्त्यावर

तई/बुज. येथे गावात रॅली काढून दारू बंदीसाठी पुकारला एल्गार

नरेंद्र मेश्राम 

"सापताहीक जनता की आवाज" 

  भंडारा/लाखांदूर:- तालुक्याती ल तई/बुज. येथे मागील कित्येक वर्षांपासून अवैध दारू विक्रीचा व्यवसाय जोरात सुरु आहे. त्यामुळे गावातील शांतता व सुव्यवस्था भंग झाली असून या अवैध दारू विक्रीमुळे कित्येकांचे संसार उध्वस्त झाले आहे. ही बाब लक्षात घेता गावातील महिलांनी सदर अवैध दारू विक्रीच्या गटारगंगा बंद करण्यात यावी. म्हणून ग्रामपंचायतच्या ग्रामसभेत एक मताने ठराव मंजूर करण्यात आला. त्यानुसार आज. दि. 15 सप्टेंबर रोजी गावातील अवैध दारू विक्री बंद करण्यात यावी. म्हणून गावातील महिला, पुरुष, विद्यार्थी, विविध समितीतील पदाधिकारी यांनी गावात रॅली काढून अवैध दारू विक्रीच्या विरोधात रणशिंगे फुकले आहे. जर दारू विक्री करतांना कुणी आढळून आल्यास त्याला शासनाच्या विविध योजनेचा लाभही मिळणार नाही. अशी तंबीही देण्यात आली आहे.

 लाखांदूर तालुक्याच्या शेवटच्या टोकावर तई/बुज. हे गाव आहे. हे गाव पोलीस स्टेशन पालांदूर अंतर्गत येत असून मागील कित्याक वर्षांपासून येथे 7 ते 8 अवैध दारू विक्रेत्या मार्फत खुलेआम रात्र न दिवस दारू विकली जात होती.त्यामुळे येथे रोजच परिसरातील दारुड्याची गर्दी असायची.लहानान पासून तर वृद्धापर्यंत अनेक जण या व्यसनाच्या आहारी गेल्याने कित्येक लोकांचे संसार उध्वस्त झाले आहेत. तर घरा घरात कलह निर्माण होत आहेत. त्यामुळे गावातील शांतता व सुव्यवस्था धोक्यात आली होती.या संबंधाने ग्रामस्थांनी अनेकदा पोलीस विभागाला माहिती दिली. मात्र दाम करी काम या उक्ती प्रमाणे होत असल्याने पोलीस कार्यवाही शुन्य असल्याचा आरोप ग्रामस्थांनी केला होता. संबंधित विभागाला देण देतो.कितीही तक्रारी करा आमचा कुणीही काही वाकड करू शकत नाही. अशी ग्रामस्थांना दारू विक्रेत्या कडून खुलेआम गावकर्यांना दिली जात होती.गावातील दारू बंदी व्हावी म्हणून ग्रामपंचायत समिती, तंटामुक्ती समिती,यांनी महिलांच्या जण आक्रोशावरून दि 4 सप्टेंबर रोजी ग्रामसभेत एक मताने ठराव पारित केले होते. तसे निवेदन संबंधित विभागाला सुद्धा दिले होते. त्यानुसार आज दि 15सप्टेंबर पासून गावात कायम स्वरूपी दारू बंदीसाठी गावातील हजारो महिलांनी, पुरुष, विद्यार्थी, विविध समितीचे पदाधिकारी यांनी रस्त्यावर उतरत दारू बंदीची घोषणा देत गावातून रॅली काढली. यावेळी सरपंच श्रीहरी भेंडारकर, उपसरपंच मोरेश्वर नान्हे, तंटामुक्ती अध्यक्ष सुनीता धकाते, पोलीस पाटील चंद्रशेखर थेर, ग्रा. प. सदस्य,तंटामुक्ती समिती सदस्य,ग्राम संरक्षण दल,जिल्हा परिषद शाळा,महिला बचत गट,अंगणवाडी सेविका,यासह महिला, युवक, पुरुष मोठया संख्याने या रॅली मध्ये उपस्थित होते. यावेळी पोलिसांचा चोख बंदोबस्त लावण्यात आला होता.