धर्मचक्र प्रवर्तन दिनानिमित्त देसाईगंज येथे अल्पोहार व पाण्याची सोय — आमदार रामदास मसराम यांचा उपक्रम.

 "साप्ताहिक जनता की आवाज" 

 वृत्त प्रतिनिधी

 

देसाईगंज :- धर्मचक्र प्रवर्तन दिनानिमित्त डॉ. बाबासाहेब आंबेडकर आणि भगवान गौतम बुद्ध यांच्या महान कार्याचे स्मरण करून देसाईगंज येथे आमदार रामदासजी मसराम व मित्र परिवार यांच्या वतीने सामाजिक उपक्रम राबविण्यात आला. या निमित्ताने अभ्यागतांसाठी अल्पोहार व पिण्याच्या पाण्याची सोय करण्यात आली होती.

दरवर्षीप्रमाणे यंदाही धर्मचक्र प्रवर्तन दिनाच्या पार्श्वभूमीवर शहरातील विविध ठिकाणांहून अनुयायी, कार्यकर्ते आणि नागरिक मोठ्या संख्येने दीक्षा भूमीकडे निघाले होते. या यात्रेकरूंच्या सेवेसाठी देसाईगंज येथे आमदार मसराम यांच्या पुढाकाराने खास व्यवस्था करण्यात आली.

या उपक्रमादरम्यान उपस्थित नागरिकांनी सांगितले की, समाजातील ऐक्य, बंधुता आणि समानतेचा संदेश देणाऱ्या या दिवशी सेवाकार्य करणे हे अत्यंत प्रशंसनीय आहे. आमदार मसराम यांनी यावेळी नागरिकांशी संवाद साधत डॉ. बाबासाहेब आंबेडकर आणि भगवान बुद्ध यांच्या विचारांना अनुसरून समाजोन्नतीसाठी प्रत्येकाने कार्य केले पाहिजे, असे आवाहन केले.

या प्रसंगी स्थानिक कार्यकर्ते, तसेच नागरिक आणि अनेक समाजबांधव मोठ्या संख्येने उपस्थित होते. कार्यक्रमाचे आयोजन यशस्वीपणे पार पडल्याबद्दल उपस्थितांनी आमदार रामदासजी मसराम यांचे आभार मानले.